Un empresa of Abo mes por bira donatùr di PWF. Banda di esei un persona por laga un herensia pa PWF, por hasi un kolekta na momentu di entiero òf bo por bira partner.

Benefisionan fiskal

Por dedusí un ‘gift’ for di impuesto na momentu ku e ta kumpli ku algun eksigensia.
E mester ta un akshon benefisioso di generosidad i un aporté no-obligatorio na kua no tin un akshon resíproko mará.
E ‘gift’ mester bai pa un organisashon establesé na Korsou.
Esaki mester ta un organisashon misal, karikativo, kultural, sientífiko òf na un instansia ku un meta di benefisio general.
Mester por prueba e ‘gift’ ku un dokumento (por eskrito), por ehèmpel pa medio di un ekstrakto bankario.

E kantidat ku lo bo por dedusí ta dependiente di e tipo di ‘gift’ ku bo ta duna.
Por dedusí ‘giften’ solamente ora ku e total di esakinan ta mas ku 1% di e entradanan i alabes esakinan ta mas ku 100 florin.
E suma ku mester keda dedusí no por ta mas haltu ku 3% di bo entrada.

Pa mas informashon spesifiká, bo por tuma kontakto ku Konsehero di Impuesto of e accountant di bo empresa.

Herensia

Si bo pone PWF den bo tèstament bo ta sostené nos enormemente. Ku un tèstament bo mes ta disidí kiko ta pasa ku bo herensia. Bo por laga pone den bo tèstament ku bo ke laga herensia patras pa un bon kousa. Aki ta sigi e stapnan ku bo mester tuma:

  1. Buska un notario
  2. Traha un sita pa un kombersashon di orientashon
    a. E kombersashon lo bai tokante di asuntunan personal. Bo mester sintibo konfortabel;
    b. E notario lo splika tur konsepto hurídiko i lo informabo tokante di e aspektonan fiskal;
    c. Bai ku un identifikashon, informashon di adrès, fecha di nasementu i luga di nasementu di e benefisiario;
    d. Bai ku tèstamentnan ku bo a traha anteriormente (of un kopia di esakinan)
    e. Nòmber di esun ku bo ke nombra komo ehekutor;
    f. Datosnan kompletu i korekto pa por pon den e tèstament.

Kolekta na momentu di entiero

PWF ta ripará ku mas i mas hende ke hasi un donashon den forma di sèn na PWF na momentu di entiero. Hopi biaha famianan ta pidi pa ún areglo di flor i ku sobra famia serkano i konosínan hasi un donashon na un bon kousa.

Pidi un buzon di kolèkt na PWF dor di bèl na:
+599 9 461 1998

Konseho pa organisá un kolèkt na momentu di entiero:

  • Informá famia i konosínan tokante di e deseo di e defuntu;
  • Menshoná e kolekta riba e anunsio di morto (enbes di menshoná flor)
  • Sorú pa tin un alternativa pa personanan ku no por ta presente;
  • Informá e agensia funerario;
  • Pone e buzon banda di e buki di kondolensia;
  • Menshoná e suma generá den e anunsio di gradisimentu.

Kolaborashon ku PWF

Huntu ku hunta di direktiva di PWF ta determiná koperashon (partnerschap) i e kontenido di esaki. E punto di salida ta ku e meta di tur dos organisashon lo wòrdu realisá..

Kon nos por yuda bo?

Laga nos sa si bo tin pregunta, si bo ke laga un remarke atras of bo ke mas informashon

“Harimentu ta un parti importante di e proseso”

Marly Oosterhof
Apliká na nos boletín di notisia mensual
Keda na altura di tur desaroyonan den nos orginashon

Copyright ©2019 PrinsesWilhelminaFonds. All Rights Reserved