FONDO DI KANSER DI MUCHA

Na 2011 Prinses Wilhelmina Fonds a lanta e Fondo pa muchanan ku kanser (Kinderkankerfonds). Meta di e fondo aki ta: “Sostené e mucha ku haña kanser”.

E sosten aki ta prinsipalmente riba area siko-sosial, pero PWF ta sostené famianan na diferente otro manera. Na Korsou ta diagnostiká mas o ménos 5 kaso di kanser di mucha pa aña. Na momentu ku diagnostiká un mucha ku kanser, ta mand’é mas pronto posibel den eksterior pa tratamentu. Mayoria biaha esaki ta Hulanda. Mayoria biaha ta pidi ayudo na PWF dirèkt despues di e diagnóstiko.

Maske ku despues di diagnostiká un mucha ku kanser, seguro (SVB of otro) ta mande e mucha huntu ku su guia (mama of tata) Hulanda pa tratamentu médiko , ta bini tur sorto di kosto èkstra ku seguro no ta kubri. Por ehèmpel, pa motibu di e situashon kaminda bida di un mucha ta na peliger, e di dos mayor tambe lo ke bai ku nan pero hopi mayor no por paga e kosto èkstra aki. Aparte di esaki mayornan mester di sosten siko-sosial tantu akinan komo riba distansia largu. Tambe hopi biaha mayornan i e mucha mester di paña pa wenter, mirando ku nan ta bai Hulanda pa e tratamentu. Por pasa tambe ku mayornan no tin pasport i mester regla e estadia di e di dos mayor tambe.

Ku e fondo di ‘Kinderkankerfonds” i ku yudansa di su spesialistanan PWF ta purba duna sosten na e grupo di enfoke aki. Durante di añanan, e sosten ku PWF ta duna e mucha i e mayornan a resultá di ta indespensabel. PWF ta sumamente orguyoso di e servisio relativamente nobo aki ku e por brinda na su klientenan.

Hopi biaha PWF ta bezig intensivamente ku e famianan aki durante i despues di tratamentu den eksterior. E kolaborashon ku Ronald McDonald House Charities Curaçao Foundation (RMHCC) den hospital St.Elisabeth den esaki ta di gran balor.

Kon nos por yuda bo?

Laga nos sa si bo tin pregunta, si bo ke laga un remarke atras of bo ke mas informashon

“Harimentu ta un parti importante di e proseso”

Marly Oosterhof
Apliká na nos boletín di notisia mensual
Keda na altura di tur desaroyonan den nos orginashon

Copyright ©2019 PrinsesWilhelminaFonds. All Rights Reserved