Nos Tim

Nos Tim

E presidente, sekretario i tesorero ta forma e hunta ehekutivo di e Fundashon. E hunta di direktiva di PWF semper a konsistí di hende muhè. E statútanan tabata preskribí esaki. E fundashon tabata konosé konseheronan maskulino si.

Semper e miembronan di hunta di direktiva di PWF a hasi nan tarbou riba un base kompletamente boluntario i a hinka hopi di nan tempu líber den e fundashon. Mientrastantu a hasi kambio den e maneho i awor hende hòmber tambe por forma parti di e hunta di direktiva.

PWF tin un mènedjer di kuido, un trahadó sosial, un mènedjer di ofisina, un trahadó doméstiko, un trahadó tékniko i algun bode, di kual tur ta den servisio di e fundashon. Ku e tim aki, PWF ta ofresé yudansa siko-sosial na pashèntnan di kanser i ta ofresé ayudo médiko , ayudo finansiero, ayudo sosial i ta parti pakétenan di alimento. PWF ta bringa pa por tene pashèntnan trankil for di e promé fase di e malesa. Pashèntnan ta risibí tur tipo di guia i informashon serka trahadónan sosial, ya asina nan por biba trankil en espera di tratamentu.

Banda di esaki, un gran parti di e pashèntnan ta haña transporte grátis pa i for di Curaçao Medical Center pa nan tratamentu di radioterapia i kimoterapia. Tambe pashènt nan por hasi uso di e transporte aki pa por partisipá na aktividatnan organisá pa e Departamento di Terapia i Rekreashon.

Kon nos por yuda bo?

Laga nos sa si bo tin pregunta, si bo ke laga un remarke atras of bo ke mas informashon

“Harimentu ta un parti importante di e proseso”

Marly Oosterhof
Apliká na nos boletín di notisia mensual
Keda na altura di tur desaroyonan den nos orginashon

Copyright ©2019 PrinsesWilhelminaFonds. All Rights Reserved